ليه انتى ليه رجعتى تانى ؟؟؟
انا لسة بحبِك ايوة بحبِك بس مينفعش حبِك ضرنى حبِك تفاحة حمرا و مليانة سم من جوه..
ليه انتى ليه رجعتى تانى؟؟؟
كنت خلاص باحاول انسى، باخطو اول خطوة ليا فى التعافى ...
لسه باقول يا هادى و بحاول الم آلامى و اتعرف على نفسى من تانى ..
ليه انتى ليه رجعتى تانى ؟؟؟
مش عارفة ليه اتصلت بيا ليه فاكرتينى بكل حاجة عاملتيها فيا ..
كأنه امبارح مش من سنة فاتت كله رجع تانى و سبتينى فى آلام رهيبة ...
ليه انتى ليه رجعتى تانى ؟؟؟
لسه فاكرة المستشفى و القسوة اللى كنتِ فيها .. لسه فاكرة ازاى سبتينى و انا باتعالج من مرضى ببكِ ..
لسة فاكرة آلامى و اكتئابى .. و الفراغ و الوحدة و القسوة و الغربة ..
ليه انتى ليه رجعتى تانى ؟؟؟
عارفة انِك انانية ومش بتفكرى فيا ..
عارفة انك بتحبى نفسِك فيا ..
ليه انتى ليه رجعتى تانى ؟؟؟
اتصلتِ بيا و زودتِ آلام ذكرى اول سنة بعد الانتحار ..
ليه دلوقت ؟؟ حرام عليكِ ..جوايا آلم عميق منك ِومن كل اللى مريت بيه ..
سبينى فى حالى ده انا مصدأت الملم حالى ..
انا لسة بحبك لأ مش بحبك دي الطفلة اللى جوايا اللى عايزة حضن و طبطبة ..
بس المرة دى انا مش هاسمح لحد يأذيها او يحاول يخدعها ..
طفلتى حبيبتى هادافع عنك و هاحميكِ .. مش هاسمح لحد يستغلك تانى ..
عرفة انك اتعودتى تاخدى منها حب بس افتكرى اد ايه ده كان حب مزيف ..
عمر ما الحب بتاعها شبَعك او كفاكى ..
انا بحبكِ انت مش باحبها هيا ..
ليه هيا ليه رجعِت تانى ؟؟؟ مش مهم المهم انى معاكِ يا طفلتى و هاحميكِ و اوديكِ لناس تحِبك صح ..
افتكرى كل اللى حابوكِ واللى لسه ماشيين معانا فى طريق التعافى ..
افتكرى انى موجودة و مش هاسيبِك تانى .. اصلى بقيت احبِك انتِ.
16 comments:
السلام عليك ورحمة الله وبركاته
أنا متأكد أنك ستحمى طفلتك جيدا
لأنك فهمتيها عارفه مصلحتها فين
وهى محتاجه إيه محتاجه الحب (المحبه فى الله) حب غير مشروط حب بدون مقابل حب يصل بين قلبين لايصل بين جسدين متماثليين
كلماتك معبره جدا أوحت لى بمدى صراعك وخوفك على طفلتك....الله يحفظك من كل سوء
وإدعيلى بقى اقدر اتواصل مع طفلى لانه مغلبنى اوى اصله عنيد شويه ونكدى حبتين :)
أنا جنبك
ولو إحتجتي حماية حأحميكي
تماسكي
أنا عارف إنك قوية
موش حأقولك إفتكري حالك زمان كان شكله إيه
لأ متديهاش فرصة تخليكي تفكري في أيام زمان
إقفلي الباب في وشها
إرزعيه
إهبديه
عشان خاطري
إحمي نفسك منها
أنا متشجع بيكي
ناس كتيرة متشجعة بيكي
فيه ناس كتيرة بتحبك
وناس كتيرة خايفة عليكي
كلنا جنبك
كلنا بنحبك
وربنا بيحبك
بس هيّ موش بتحبك
.............
وطمنيني عليكي
ابعدي عنها
إجمدي كده و لا يهمك منها
إبعدي ..
تماسكي و كلنا جمبك
الحب المزيف اللي هي بتغريكي بيه
إحنا بنديهولك من غير زيف
احنا واقفين جمبك
إوعي تضعفي
إنتي قويه
إنتي أقوي منها
هي ضعيفه جدا
و انتي أقوي
إهزميها
هي عاوزه تكتسب قوتها منك
ابعدي عنها
عشان طفلتك تعيش ف سلام
ابعدي عنها
انا جمبك
و كلنا ف ضهرك
كلنا معاكي
أوعي تضعفي
انتي أحسن منها
إنتي أحسن منغيرها
ربنا بيحبك
كلنا بنحبك
هي مبتحبكيش
ابعدي عنها
انا مش عارفة من غير ما اكون طلعت اللى جوايا و من غير مساندتكم كان ممكن يحصل ايه.بجد انا لسانى عاجز انه يعبر عن شكرى ليكم.
مجاهد و عمر: ردكم بهذه السرعة ادانى دفعة قوية جداً. انتم تقريباً ساعدتونى اقف بعد ما كنت هاتكعبل. بجد مساندتكم صلبت طولى من تانى. انا. "هومو و عاقلة" شكرا على تشجعكم، كلامك ادانى دفعة قوية جداً.
هاكما مش بقوتى لكن بادراكى لضعفى و اتكالى على قوة ربنا. هاكمل و انا ضعيفة بس مسنودة بيكم. بحبكم ...
الحمد لله على سلامتك
كلام بسيط أريد أن أقوله
أرجوكى بكل طاقه لك حافظى على سلامتك(سلامة طفلتك)
أنت مثل وقدوة لى فى كيفية التغلب على هذا الداء.أنا سعيد جدا لأنى تعرفت على إنسانه فى بداية طريق الشفاء..
الله يحبك
وأنا أحبك
وبقية الأخوه و الأخوات يكنوا لك الحب
أنظرى إلى مستقبلك وأنت إنسانه جديده
كيف تحبيين نفسك فى مستقبلك؟
الله عظيم يحفظك من كل سوءومن كل شر
ويمنح السلام والسكينه إلى قلبك
اشكرك يا صديقى مجاهد .. من طفلتى الى طفلك : لك كل الحب و التقدير ..
سعيدة جدا بالتعرف على مدونتك
لك كل الحق ان تفخرى بما قاومتيه ..حقا انا فخورة بك لاقصى الحدود.. واعلم تماما انك قادرة علىان تصمدى امام كل شىء وتكملى طريقك بحماية طفلتك ..وطريقك لحياة افضل ولحب حقيقى
الجميع معكى والجميع فخور بك
اتمنى لكى كل الخير من قلبى
افتكرى دايما انك دايما الأقوى
عارفه ليه
لإن ربنا معاكى
كان لازم اللى حصل ده يحصل
و كان لازم ترجع تانى
و ده فضل من ربنا عشان يوريكى قد ايه انتى قويه
قويه بالله و بإيمانك و برغبتك فى التعافى
قويه بحب كل اللى حواليكى الحب الحقيقى فى الله اللى مفيش وراه اى مصالح
قويه برغبتك الأكيد فى انك تكونى أفضل دايما
استعينى بالله و اقفى من تانى و قوليها بصوت عالى
انا الأقوى
كلامك حقيقي
كلام من جوي القلب
صريح عاري من الأقنعه
انا متائكد ان الي انت عملتيه وكتبتي كل مشاعرك ده ف حد ذاته بيفرق معاكي
وانا مقدر المشاعر الممزوجه بالتواصل
مع حد كان لينا ذكريات
بس الأهم انك شايفه الموضوع ديلوقتي صح
عمر ماية البحر ما بتروي ابداً
انت هتقدري
عشان حاجات كتير عشان ربنا ونفسك وعشان تحميها من الجروح والألام
ف وقت هتلاقي نفسك انت الي مستغنيه ومش قابله ومش عايزاها
الوقت ده انتي هتكوني وصلتي لمعني حب الذات وتقديرها
هيكون عندك رضا وشبع
وهتحبي نفسك بجد
هتوصل لأعماقيك
اتشجعي واتشجعي واتشجعي
قلب الحياه مليان حاجات وبتفرح
مش كل شيء بيفوت في عمرنا بيجرح
قلب الحياه مليان حاجات وبتفرح
.....................
افتاح بيبان الروح منتاني علي الأخير
تدخل في قلبه بشوق مايكنش ليه اخر
فستين السماء الوان بطفي وتنور
وانا وانت كلمت حب جوانا بتغير
مش كل شيء بيفوت في عمرنا بيجرح
قلب الحياة مليان حاجات وبتفرح
قلب الحياة جواه بنورة مسحورة
قلب الحياة مليان احلام صغيورة
مش كل شيء بيفوت في عمرنا بيجرح
قلب الحياه مليان حاجات وبتفرح
........
أزيك يا أختــي
حابب أكون مع اخواتي واحنا بنقولك انك مش لوحدك
كنت فيه حاجة كتبتها لما جيت وقفت الوقفة اللي انتي فيها ديه .. بس انتي عارف انا قولت أيه ... انا قلت لأ يا دنيا أنا مش هاعيش بالصورة ديه تاني ومش هسمح لنفسي اتحط في البرواز الخشب ده من تاني .
رفض ... الزائف وجريت علي اصحابي وقولتهم الحقوني انا محتاجكم
حابب أشاركك بكلمات كنت كتبتها في الوقت ده ... وعلي فكره الكلمات ديه أنا كنت كتبتها وانا مع الأخ "البحث عن الذات" كنت قاعد معاه فسرحت وكتبت الكلمات ديه.أكيد انت فاكرها يا "باحث عن الذات"
ومازالت الحياة مستمرة
كل يوم فيكي يا دنيا اكتشف انك مش غالية عليا
لا... لا... دانتي رخصية جداً في عنيا
كل لما اشوفك بتلعبي بيا ... تنزلي اكتر من عنيا
كل لما اشوفك بتساوميني ... هتفضلي برضة صغيرة في عنيا
انا عارف ان الحياة فيكي مش سهله ابداً عليا
بس برضة ... أرجع واقول اني كنت مغرور لما قلت خلاص انك ضحكتي ليا
اتاريكي كنتي مصتصغراني وفكارني خيخة وهفيا
لا يا دنيا ... أصحي وفوقي ... أنا صحابي أهم حواليا
مش هبكي بالدموع ولا افكر في الرجوع
لزمن الهم والغم والفراق
دا الماضي غول ... لو وقفت قدامة حياتك تنتهي علي طول
علشان كده يا دنيا ... أنا مش هخاف ولا أتنازل
ولا هقف قدامك واتغازل
أنا هبص لقدام ... وادور علي حد زيي مقدام
يشجعني في طريق ... ويمشي معايا
ولبعض كل واحد للتاني زي المرايا
نشوف فيها اخطائنا وتتغير البلايا
ويصبح طريق التعافي اكثر نور
وخلاص مش هفضل اللف وراكي ودور
ومازالت الحياة مستمر
تشجعي يا أختي الغالية . كلنا هنا معاكي وجنبك .. المسافة عمرها ماكانت حاجز
الى لؤلؤ و باحث: كلامكم بيدفعنى للامام و بيلجمنى و يمنعنى انى ارجع تانى للورا. ربنا بعتكم ليا فى الوقت الصح. عايزة اصرخ معاكم لربنا و اقوله باحبك اوى و مش عايزة اضيع كل اللى انت عاملته معايا الوقت اللى فات فى حياتى. عملك فيا يا رب غالى عليا اوى. قادرة اشوف اهتمامك بيا و انت بتبعتلى المعونة و المساندة فى الوقت المناسب. وزى ما لؤلؤ قال المسافة مش منعاك و لا مانعة معونتك توصلى. باحبك يا رب و باحب نفسى لانك حابتها و غالية عليك و غالية عليا و مش هاضيعها تانى. باحبك فى اخواتى اللى مشفتهمش و معرفهمش بس معايا اوى اكترمن كل الناس اللى حواليا. باحبك فيهم و باحبهم لانهم صنعة يداك و لانهم غاليين عليك اوى. باصرخلك يا رب و باقولك كمّل عملك فيا و فيهم. احمينا بحبك لينا. خدنا فى حضنك و دفينا انت اكتر واحد يا رب عارف احتياجتنا و عارف ازاى تسددها. انت عارف ماضينا و قلوبنا و مش بتحكم علينا بالعكس بطبطب علينا فى كل مرة بنقسوعلى نفسينا. انت شايف بكرة و عارف ازاى تساعدنا و تغيرنا لانك مهتم بينا. انت مصدركل حب فى الوجود لو اهالينا معرفوش يحبونا صح انت تعرف. انت ممكن تكون اب و ام لينا و تعوضنا عن كل اللى فات. مستنينك تيجى لينا و لحياتنا. باحبك.
فقط
في النهاية لا يصح الا الصحيح
خالص الشكر لحماية طفلتك
السلام عليكما ورحمة الله وبركاته
إلى الأخت مثليه و لكن مشفيه وإلى السيده ألوان
أكد لكما أن المثليه ليست فطره خلقنا عليهاوأنا لا أقول هذا الكلام من باب قرأتى للكتب أبدا أقولها من باب مسيرة حياتى
فلقد كنت فى بداية الأمر أميل للأنثى حتى حدثت عوارض فى حياتى غيرت مسارات ميولى الجنسيه
فأنا متذكر أنى خلقت بالفطره غيرى
وليس مثلى
المثليه مرض نفسى أصبت به
لأسباب حدثت لى فى حياتى
هــا ... ايــه الأخبار دلوئتي
انا متطمن عليكِ
الى باحث: بجد اشكرك على سؤالك عليا. انا كويسة جدا الحمد لله. بفضل ربنا و مساندتكم رزعت الباب:" على رأى عمر :) و كنت لسه هاكتبلوكم حاجة علشان اطمنكم بس كنت مشغولة اوى الوقت اللى فات. بجد اشكرك على اهتمامك.
Post a Comment