كانت و ما زالت صرختى: ستظل الهى

كتبت اثناء فترة التعافى: يناير 2008

ستظل الهى
ستظل الهى سأختارك الهى ...
فى كل يوم سأختارك ، فى كل يأس و حزن سأختارك ..
سأختارك فى حيرتى .. سأختارك فى حزنى .. سأختارك فى آلمى ..
سأختارك رب و سيد فى كل ظروفى و قسوة الحياة ..
سأختارك رب و سيد فى كل مرارة فى فمى ..
سأختارك رب و سيد فى كل جراحى ..

لن أختارك لتشفى و تعالج و تحرر ..
لكن سأختارك لتشاركنى و تسير معى دربى مهما كانت قسوته
سأختارك لأننا نستطيع صنع مصيرنا و قدرنا بأنفسنا ..
سأختارك قدرى ، نصيبى ، قسمتى و مصيرى
سأختارك الهى.

حبك كفايتى

(علمنى حبك لى ان احب طفلتى الداخلية ( نفسى
(علمتنى نعمتك ان اقبل طفلتى الداخلية ( نفسى
(علمتنى رحمتك ان ارحم طفلتى الداخلية ( نفسى
(علمنى غفرانك لى ان اغفر لطفلتى الداخلية ( نفسى
(علمنى صبرك علىّ ان اصبر على طفلتى الداخلية ( نفسى
(علمنى اهتمامك بى ان اهتم بطفلتى الداخلية ( نفسى
(علمنى تسديدك لاحتياجاتى ان احترم احتياجات طفلتى الداخلية ( نفسى
انت الأب و انت المعلم.
انـــــــــــــــــــــــت الهــــــــــــــــــــــــــى الــــــــــــــــــــــذى اعبـــــــــــــــــــــــــده
احبـــــــــــــــــك و احبـــــــــــــنى

طفلتك

ليه اتانى؟؟؟

ليه انتى ليه رجعتى تانى ؟؟؟
انا لسة بحبِك ايوة بحبِك بس مينفعش حبِك ضرنى حبِك تفاحة حمرا و مليانة سم من جوه..
ليه انتى ليه رجعتى تانى؟؟؟
كنت خلاص باحاول انسى، باخطو اول خطوة ليا فى التعافى ...
لسه باقول يا هادى و بحاول الم آلامى و اتعرف على نفسى من تانى ..
ليه انتى ليه رجعتى تانى ؟؟؟
مش عارفة ليه اتصلت بيا ليه فاكرتينى بكل حاجة عاملتيها فيا ..
كأنه امبارح مش من سنة فاتت كله رجع تانى و سبتينى فى آلام رهيبة ...
ليه انتى ليه رجعتى تانى ؟؟؟
لسه فاكرة المستشفى و القسوة اللى كنتِ فيها .. لسه فاكرة ازاى سبتينى و انا باتعالج من مرضى ببكِ ..
لسة فاكرة آلامى و اكتئابى .. و الفراغ و الوحدة و القسوة و الغربة ..
ليه انتى ليه رجعتى تانى ؟؟؟
عارفة انِك انانية ومش بتفكرى فيا ..
عارفة انك بتحبى نفسِك فيا ..
ليه انتى ليه رجعتى تانى ؟؟؟
اتصلتِ بيا و زودتِ آلام ذكرى اول سنة بعد الانتحار ..
ليه دلوقت ؟؟ حرام عليكِ ..جوايا آلم عميق منك ِومن كل اللى مريت بيه ..
سبينى فى حالى ده انا مصدأت الملم حالى ..
انا لسة بحبك لأ مش بحبك دي الطفلة اللى جوايا اللى عايزة حضن و طبطبة ..
بس المرة دى انا مش هاسمح لحد يأذيها او يحاول يخدعها ..
طفلتى حبيبتى هادافع عنك و هاحميكِ .. مش هاسمح لحد يستغلك تانى ..
عرفة انك اتعودتى تاخدى منها حب بس افتكرى اد ايه ده كان حب مزيف ..
عمر ما الحب بتاعها شبَعك او كفاكى ..
انا بحبكِ انت مش باحبها هيا ..
ليه هيا ليه رجعِت تانى ؟؟؟ مش مهم المهم انى معاكِ يا طفلتى و هاحميكِ و اوديكِ لناس تحِبك صح ..
افتكرى كل اللى حابوكِ واللى لسه ماشيين معانا فى طريق التعافى ..
افتكرى انى موجودة و مش هاسيبِك تانى .. اصلى بقيت احبِك انتِ.