جوايا قلق و خوف عايزة اطلعه بره
جوايا صرخة عايزة كل الكون يسمعها
جوايا الم و ووجع على اللى فات و النهاردة
جوايا خزى و عار على اللى فى الضلمة
جوايا حاجة مش فاهمها بس حساها
عايزة حد يسمع صرختى، يفهمنى و يحتوينى و يضمنى
عايزة مساندة من ناس بتسمع من غير ما تحكم
عايزة حد يقهم يأسى و حزنى و حيرتى
عايزة ناس تفهم اكتئابى من غير ما تصنف ايمانى وتحكم عليه بالضعف
عايزة ناس ما تطلبش منى اصلى علشان ابقى احسن، لكن تكون هيا ايد ربنا ليا
عايزة ناس تطبطب بدل ماتمسك الكرباج
عايزة ناس تفضل تشوفنى "استاهل الحب" حتى بعد ماتعرف كل حاجة عنى
هو انا باطلب كتير و لا عايزة اعيش فى يوتوبيا. طلباتى ان الاقى واحد او اتنين مش اكتر. مش مستنية ان كل الناس تبقى كده. ليه؟ ليه مفيش ناس كده حواليا؟ ليه؟ مش عارفة و ماعنديش اجابة و لا حل. بس على الاقل لسه ينفع اكتب و اطلع اللى جوايا
طفلتى الغالية المشفية: حتى لو مافيش حد حواليك انا معاك و مش هاسيبك، بحبك انت تستاهلى الحب، قيمتك فى اللى خالقك حتى لو كل اللى حواليك اتعملوا معاك بعكس كده.
د. انت غالية اوى عندى و بوعدك اساندك و احبك و اعوضك عن كل اللى اتحرمت منه. عارفة كويس اوى وجعك و المك، انا سندك و حضنى مفتوحلك. مش هاسيبك حتى لو كل الناس سبتك، مش هاعمل اللى زمان اهلك عمالوه فيك. لأ مش هاسيبك و بوعدك انى مش هاسيبك. متخفيش من بكره لأن ربنا و انا معاك. ايوه ربنا عمره ماسبنا احنا الاتنين و انا مقررة انى ماسبكيش مهما حصل و مهما عملت. هاتفضلى امورتى و حبيبتى و لؤلؤتى
بحبك تصبحى على خير
11 comments:
انا كمان باحب يا طفلة يا مشفية
وانا كمان جانبك وهاساندك واقف معاكى يا عزيزتى
حاسك قوى وحاسس بكل كلمة قولتيها
ياااااااه
جميل جدا الحوار
طفلتك الداخلية لمست تجارب وأمنياتى
ولينا كلام تانى
تحياتى
اشكرك ايها الانسان الجديد. انا محتاجة مساندتك و احساسك بيا.
مجاهد مستنبة باقية الحوار :)
اكيد كلنا جنبك واكيد كلنا هنحتويكي انت انسانة زينا وده اهم حاجة تخلينا كلنا حاوليكي ومنتخلاش عنك ابدا
اتمنى ان نكون اصدقاء وان تنزعي ذلك الشعور بالوحدة من داخلك
تحياتي
عزيزتي الطفلة الجميلة ..مشفية .
انا حاسة بيكي اوي
صحيح انتي مش فاهماها و حساها بس ، انا كمان حاسة بيها اوي .
حاسة اني سامعة صرخة قوية و مدوية يمكن بدرجة الصوت التي لا تسمع بالاذن البشرية ، لكن حاساها مدوية في الكون ، و ان الانين اللي جواكي شق صمت السكون كانه سهم مصوب نحو السماء يحمل في طرفه دماءك و صلواتك ايضا .
انا مبسوطة انك فعلا واخدة مشفية الصغيرة في حضنك و قررتي تحاربي معاها ضد اي افكار قاسية و اتهامات مؤلمة .
فعلا هي تستاهل الحب ، لانها ابنة غالية اوي.
و كويس انك دايما بتفكريها ان ربنا عمره ما ساب ايدها و لا ايدك اللي ماسكاها .
بس ليا عتاب صغير عليكي ، و اسمحي لي اني ادي لنفسي حق العتاب ده ..
انتي بالفعل عندك اسرة تانية ، شعارها القبول الغير مشروط ، و المساندة الفورية لاي الم او قلق ، و هي دايما فاتحة ذراعيها و احضانها ، و انتي يا مشفية كنتي عضو فعال جدا فيها ، و كلامك و اراءك بجد كانت بتريح و تساعد
ليه بعدتي و سيبتيها و سيبتي نفسك تتعذب
المجموعة كانت هي الناس اللي..
"بتسمع من غير ما تحكم "
"تفهم اكتئابى من غير ما تصنف ايمانى وتحكم عليه بالضعف "
"ما تطلبش منى اصلى علشان ابقى احسن، لكن تكون هيا ايد ربنا ليا "
"تطبطب بدل ماتمسك الكرباج "
هو ده الهدف الاساسي للمجموعة ، و مش بقوانين ماشيين عليها ، لكن ناس كلها محتاجة كده و قررت تساعد بعض.
انا عارفة ان ممكن تكون بعض الاراء تكون وجعتك ، سواء لانك فهماها صح او غلط ، و مش هو ده موضوعنا ، بس ده ما يخليش الواحد يبعد .
لان ده بيتك ، و الاختلاف في الراي لا يفسد للود قضية زي ما بيقولوا .
و لو انتي شايفة ان راي اللي قدامك مش عاجبك او ممكن يكون جزء منه واجعك ، خلاص ، ما تاخديش بيه و لا تسمعي له ، بس ما تمشيش
و بعدين كون ان انا ليا راي مختلف عن حاجة ، فده مش رايي في الشخص اللي بيعاني من الحاجة دي ، و انتي طبعا فهماني.
فما تخليش اراء الناس تكون هي الحكم عليكي ، لو حد شايف الموضوع بالزاوية دي يبقى خلاص انا وحشة زي ما قال او امشي خااالص و ابكي و اتالم لوحدي.
اتمنى اني اكون فاهمة صح .
اسفة على الاطالة
بس بجد وحشني اوي وجود مشفية في مجموعة المساندة .
سلاااام
ربنا معاكي
to still unknwon ..
اشكرك على مشاعرك و احساسك و اهتمامك .. افضل ان اظل هنا فى مدونتى و اتواصل مع الناس من خلالها. هذا مريح لى اكثر. اتمنى ان نظل على اتصال حتى و ان ابتعدت عن المجموعة.
ازيك يا مشفية؟؟
يارب تكونى بخير
انا الحقيقة مش عارفة اذا كنت أنا من ضمن الناس اللى انتى زعلانه منهم ولا لا
لكن أنا ومن غير ما تزعلى كنت منتظرة منك تكونى اكثر تسامحا أو على الأقل تقولى ايه بالظبط اللى زعلك وتدى فرصة للى زعلك يدافع عن نفسه
أنا بحترم قرارك لكن فى نفس الوقت شايفه ان المجموعة ليها حق عندك على الأقل التبرير ..نفهم بس
يعز علينا انك تسيبى المجموعة اللى حالها بقى يزعل لانها مبقتش مجموعة خالص
أما تعليقى على البوست
فاللى بتطلبيه مش كتير ابدا واكيد هتلاقيه فى يوم من الايام
بالتأكيد أعظم كنز ممكن تلاقيه هى الصداقة وانا بدعيلك تلاقيها
الحكم على الناس داء احنا مصابين بيه ولو كل واحد فينا انشغل بيعيوبه مش هيلاقى وقت يحكم على غيره
أنا بمدلك ايدى من تانى واتمنى متردنيش
بلاش تفرضى على نفسك وحدة كفاية عليكى الغربة
تحياتى
methleya mashfeya
ya benty rabena beye3'fer o beysame7 balash tezawedy 3ala nafsek el geroo7,tab 3arfa ba2a ana elly 3ayzaky tesa3deny en ana akoon mashfeya zayek,2eh ra2yek ana o enty nesa3ed ba3d
salam ya gamiel
عزيزتي مشفية
أنا واثق من قدرتك على إدارة حياتك وقيادة طفلتك الداخلية. خذيها فقط لله وللأشخاص والأماكن الآمنة والله سوف يقودك من خلال قلبك لتعرفي أين تذهبين. ربنا معاكي
صباح الخير... بقالى كتير ما دخلتش هنا, بس واضح إن الموضوع سخن و ناس زعلانة من ناس و ناس زعلانة من نفسهاو كدة. طيب من الآخر انا مش هاطول عليكوا و بالأخص مشفية, معاكى حق فى كل االى قلتيه عن أغلب الناس. ليه؟؟ علشان هم بنى آدمين و ألبنى آدم محدود فى كل حاجة, ليه يوم ميلاد و ليه يوم وفاة, و بالتالى كل ما يخرج منه محدود أى له حدود, أى له دايرة و مجال معين بيعيش و بيتحرك فيه. و كلنا دوائر,تتقاطع أحياناً, تتلامس أحياناً أخرى لكننا لا نتطابق أبداً, ليه؟؟ لأن أقطارنا مختلفة و بالتالى مساحة إحتواءنا للأمور مخلفة.
و لإن الإنسان محدود فمقاييسه محدودة و حكمة محدود.محدود بإيه؟؟؟ محدود بدماغه و رؤيته للأمور و كدة. ده البنى آدم.ربنا و إيماننا الحقيقي به بيوسع دواءرنا,بيوسع حدودنا(بيوسع تخومنا) بس عمر الدايرة ما هتبقى خط مستقيم مالوش بداية و لا نهاية, هنفضل دواير.و ده يخلى توقعاتنا معقولة مش هتلاقى حد يقبلك ذى ما إنت فى كل بنسبة مية في المية, مافيش.
مثلاً: مجموعة المساندة موجودو علشان الناس اللى بتعدى فى ظروف,خبرات أة إختبارات مشابهة . علشان كدة ما أقدرش اسمى ده قبول لإن القبول هو عدم الحكم على من يختلف عني.و نفس الناس ده لو إتعاملت فى مجال تانى مش هتقبل حاجات و هتحكم و هتخلتف وده طبيعى ما أقدرش اقول عليه حاجة.يبقى الحل من الآخر هو إنى ادرب نفسى على قبول نفسي ادرب أقبل عدم قبول البعض ليها و أحتفل بقبول البعض برده ليها . لانه ده اللى بيتعب غنى بأتعب من اللى مش قابلين و ما باحتفلش بالقبول وما باديلوش وقت يدخل و يعمل الإتزان ده جوايا.
إحنا مختلفين إنتى قررتتى غنك ما تبقيش مثلية و تجاهدى فى كدة وانا قررت إنى أعيش نفسي و ما أعافرش ضدها و مع ذلك غنتى قابلانى هنا فى مدونتك وانا بأحترم قبولك و أقدر أسميه قبول.يبقى إنتى لازم تدى لنفسك حق إنك تفرحى بنفسك و تقدريها.
طبعاً ذى ما إنتوا شايفين أنا ما طولتش خالص.
Post a Comment