قرفانة و متضايقة .. مش عارفة افرح مش عارفة استمتع باى حاجة حاوليا .. دايما حاسة ان فيه حاجة نقصانى مش عارفة ايه هية
دورت كتير و كل ملاقى حاجة افرح و افتكر ان ديه اللى هاتفرحنى افرح شوية و بعدين ازهق فارميها و ادور على غيرها .. انا بادور على ايه .. مش عارفة .. انا تايهة .. جوايا احتياج بيصرخ عايزة ناس عايزة حد جنبى ليه اللى حواليا حياتهم طبيعية و انا لا ليه كل اللى فى سنى متجوزين و عندهم عيال .. عارفة الاجابة بس رفضاها .. جوايا صرخة للارتباط بشخص يشيل معايا شلتى و يخفف عليا و يطبطب عليا لما احتاج .. حد يقولى انا فاهم و مقدر .. نفسى اسمع صوت تانى غير صوتى لنفسى .. مش عارفة اعيش لوحدى مش عارفة افضل طول الوقت كويسة مع طفلتى الداخلية .. زهقت منها و من نفسى زهقت من روتين حياتى زهقت من الدواير اللى بادخل فيها لغاية ما اغرق .. مش عارفة اكون كويسة مع نفسى بنفسى ..
طول الوقت عايزة مساندة زهقت من اعتماديتى زهقت من عجزى لغاية امتى ؟؟ مش عارفة يمكن هاعيش معوقة و لازم اقبل اعاقتى عمرى ما هاكون زى اى حد طبيعى عارف يعيش من غير ما يتسند على حد و يمكن هاخف و اجرى زى الناس الطبيعية .. مش عارفة .. بس كل اللى شايفاه انى على كرسى متحرك و مش عارفة اجرى زى الناس الطبيعية ..
11 comments:
العزيزة جدا على قلبى كنت مثلية
اللى انتى بتمرى بيه ده احساس طبيعى جدا
صدقينى انا كمان باحس بنفس احساسك ده كتير باحس انى تايه ومش زى بقية الناس اللى حوالية
باكون محتاج حد يساندنى ويقف جنبى
وصدقينى ده شىء طبيعى ان حد يسندك فى الحياة وده احتياج طبيعى
احتياجنا للمساندة احتياج مشروع
وكل البشر محتاجة للمساندة
وللمساندة وسائل كثيرة
انتى كنتى شىء واصبحتى شىء جميل وستصبحين شىء اجمل
انا معاكى يا صديقتى العزيزة
النفس البشريه بير غويط
او بحر شاسع الامتداد
ساعات بتجيله لحظات مد من السعاده والفرح
وكتير بتنتابه عواصف وظلمات من الاحزان
اصبرى على حزنك لان البحر متقلب بطبعه ومش بيثبت على حال
وعلى فكره انا مستمع جيد لو عاوزه تفضفضى مع حد متعرفيهوش تقدرى تبعتيلى على
mohamedhamdyonline@gmail.com
تحياتى
يوم سعيد
السلام عليك
طيب أقول إيه بعد كلام إنسان جديد
هأكد على كلامه جميع البشر بيحتاجوا لمساندة الاخر ده شىء طبيعى.....يعنى مش عيب انك محتاجه لمساندة حد ومش عيب إنى انا محتاج مساندتك.....وياعزيزتى الحال بيتغير لا دوام لحال مادام بدأتى فى طريق التغيير كل شىء هيتغير حواليكى للأحسن والاجمل ان شاء الله قليل من الصبر "إن الله مع الصابريين"إن شاء الله هتحققى ماتتمنيه ...الله وقف بجانبك وإنتشلك من معاناتك من مثليتك تأكدى أنه سيكون معك فى التغيير وانت مشفيه...تمسكى بالأمل مادمتى تتنفسيين الهواء وأنا لا أراكك معاقة ابدا أنا أرى إنسانه قادره وشجاعه تحدت ظروفها القاسيه ومعاناتها الاعاقة ليست فى المرض او المعاناة الاعاقة فى الاستسلام وانا لا اراكك مستسلمة لظروفك......عزيزتى بدعى الى الله ان يوجهك الى الخير وينعم عليك بما تتمنيه ويسد حاجاتك
أمين
علي قد ما صرختك موجعه بس انا فرحان جدا انك قدرتي تخرجي اللي جواكي وقدرتي تقولي لنفسك انك محتاجه مسانده وقدرتي انك تحسي بنفسك وصدقيني انتي كده ماشيه صح 100%اصمدي هتوصلي لنهايه الطريق اللي اخرته النور والراحه.انتي قويه بس مش شايفه ده كتاباتك بتقول كده ربنا معاكي ومن غيرك بجد هنتوه ..تحياتي سيدتي البطله
انسان جديد
لم اكن اتوقع ان تعليقاتكم سوف
تشجعنى، كل الفرق عندما اعلم ان ما امر به يمر به اخرون.
اتذكر ان اول بلسم طيب به المعالج الامى عندما قال لى "من حقك ان تشعرى بكل هذا"
هذا ما غيرنى عندما شعر بى اخرون و ليس عندما نصحونى ووعظونى.
محمود و مجاهد: احساسكم بيا عمل فيا فرق كبير بين حالتى امس و النهاردة.
اشكركم على تذكيرى بشروعية احساسى.
I feel your pain...
I think it is just a phase you will overcome.
My prayers 4 u.
يعنى انسان جديد ومحمود ومجاهد رديتى عليهم وانا اللى وقعت من قعر البوست
تحياتى ليكى :)
لا يا محمد موقعتش ولا حاجة انا بس باعلق لما يكون عندى تعليق.. على العموم اشكرك على تعليقك و منور البوست :)
ساعات الناس بتقول كلام و الكلام سهل بل هأقولك إللى هاقوله دة بلا إستخفاف بإللى إنتى معدية فيه و حساه, ما تركزيش على الكرسى إللى إنتى عليه, ركزى في الطريق إللى إنتى إختارتيه و نهايته بيتهيألى تساوي كتير قوى بالنسبه لكى علشان كده بتحاولى و بتعافرى. سواء بتجرى ولا بتمشى ولا بتسحفى أو حتة واقعة و مش قادرة تتحركى. سواء راكبة عجلة أو عربية أو صاروخ أو قاعدة على كرسي...... كلة هيوصل مادام عارف الطريق و عارف هيوصل فين و ليه.....و بالمناسبة لو كل الناس وصلت فى وقت واحد يبقى فيه حاجة غلط....إحنا بنختار و الإختيار فى حد ذاتة صعب بغض النظر بنختار إيه....ما اقدرش أقول غير إن الرب صالح و عادل و حنين علينا أكتر مما إحنا على نفسنا...
to Gay to XGay to XxGay
شكرا على تعليقك بس ديه كانت فترة و عدت و ده طبيعى بس انا احسن بكتير.
Post a Comment