لا اعرف كيف أبدأ ... جوايا صرخة كبيرة مكتومة و مخنوقة
عايزة اصرخ لان الحياة غير عادلة طفولة تعيسة و مراهقة مؤلمة و ماضى سخيف و حاضر متعب
حاسة انى مطحونة و مظلومة و عليا اعيش مفرومة من الظروف طول الوقت .. مش عارفة استمتع باللى عندى، دايماً حاسة ان ناقصنى حاجة يا اما الصحبة يا اما المال و ساعات الاتنين .. هو انا طماعة و لا طبيعية .. هو اللى باطلبه حق مشروع و لا خطية
مش عارفة ايه حقى و ايه مش حقى .. مش عارفة فين الغلط؟ فى ظروفى و لا فى اللى حواليا .. زهقت و تعبت من الزمان و المكان .. الوحدة و المسئولية
اسئلة مش لاقيلها اجابة .. ليه انا .. ليه انا كده؟ و ليه دول كده و انا مش زيهم؟ ليه فيه ناس ظروفها اسهل و ابسط؟ ليه التحدى بيلاحقنى طول الوقت .. هو العيب فيا و لا فى اختياراتى؟
عايزة اصرخ باعلى صوتى و ازعق و اقول امتى هاعيش و امتى هانبسط ؟؟؟
الاجابة فى ايدى و لا فى ايد غيرى!!و
الراحة فى القرار و لا فى الفرار
6 comments:
سلاااااااام.......
تتسائلين اين الخطأ ...؟؟كلنا نفعل ذلك في لحظات اليأس ، يحرجنا السؤال و يغرينا بالرغبة في اﻹنتحار بحثا عن عدالة رب السماء ..لكننا في لحظات اﻹفاقة نصحو على أنفسنا التي تأبى اﻹنعتاق من ذل هذه اﻷسئلة إلى عزة المواجهة ...نعم عزيزتي أعتقد حقا أننا يجب أن نواجه أنفسنا علّنا نفهم ماذا تريد فلربما نعرف من نحن أخيرا و ربما ندرك أن ظروفنا تخدمنا أكثر مما تضرنا
.دمت بخير
أولا مرحبا بك
أثارني عنوان مدونتك و الكثير من مقالاتك أحسست أنها تعبير صارخ عن صراع داخلي يمكن لأي شخص أن يعاني منه في فترة ما من حياته
أحترم إرادتك للتغيير و أعرف أنه ليس بالأمر الهين ليس فقط في مسألة المثلية و لكن أي شيء نحاول تغييره و جذوره متأصلة في أنفسنا يكون صعب علينا اقتلاعه لكن ليس مستحيل
على كل حال بعد قرائتي لأهم مقالاتك استطعت أن أكون فكرة عن مبرراتك للتغيير و أيضا المرحلة الحرجة التي تمرين بها
لست هنا للحكم عليك..كل شخص منا حر في حياته
فقط هذه كانت مقدمة بسيطة لتعليقي
بالنسبة للموضوع "تخاريف" حقيقة هذا الكلام ليس بتخريف أنا أحييك على إثارته لكن لا أحب أن تظلين في هذه الحيرة
لمذا أنت فقط تمرين بهذه الظروف و غيرك له ظروف أخف؟
أتدري ربما أنتي محظوظة فالظروف الصعبة و لو كنا لا نقبلها هي من تصنعنا فعلا إذا وضعت في ظروف صعبة تذكري أن الله يحبك و يريد امتحانك و القلم الذي لا يتعرض للبري المألم لن يضع خطوطا واضحة المعالم في مسيرة حياته
عوض المقارنة بينك و بين الناس قارني نفسك بما كنتي عليه و بما تريدين أن تكوني عليه في المستقبل هذا سيدفعك للحصول على خطط و حلول للتحسين من ظروفك و المضي قدما
اعذريني ان تدخلت في امور لا تعنيني لكن من باب الانسانية التي تجمعنا و لن اقول المثلية لان هذا طرح اخر ،
تحياتي
بقايا انثى: اشكرك على تعليقك و
ارجو ان نظل على اتصال
To: beautiful disaster
عجبنى اوى اسمك .. اشكرك على زيارتك و تعليقك .. انها فترة عصيبة فى حياتى احتاج ان اقبلها كما هى حتى تعبر
عايز اقولك ويمكن تستغربي من كلامي بس هيا دي الحياه الطبيعيه اننا نعاني زي بقيت البشر ممكن تتعجبي من كلامي وتقولي احنا بنعاني فعلا هقولك معانتنا زمان كانت اننا ندور علي نفسنا من خلال علاقات وادمانات واشياء كتيره جدا كانت بتصعب علينا الحياه بس دلوقتي انا حاسس انك في حياه صحيه اكتر وراجعي نفسك هتلاقي كلامي صح يمكن لسه بندور علي نفسنا بس بندور علي الباقي احنا لاقينا البدايه وعلينا اننا نكمل للنهايه.تحياتي سيدتي البطله
السلام عليك
إنت إختارتى القرار خلااص واللى كان كان إنت مش بتاعة فرار
:)
إنت إخترتى المواجهه والتحدى التحدى
اللى مش بيخلص
التحدى اللى ديما بيخليكى تكبرى يوم عن يوم وإنت بتتغلبى على ظروفك الصعبه
وياسلام لما التحدى يكون صعب شويه فتلجـأى لربنا وتقوليه انا ضعيفه -وإنت بتكنى لضعفك كل إحترام- ساعدنى
دى فى حد ذاتها نعمه كبيره
وكبران أكتر وأكتر
وكل ده أنا شفته فيكى
:)
ربنا يعينك ويجعل أيامك الجايه كلها سعاده
محمود و مجاهد .. صحابى و اخواتى و اللى مساندنى فى مشوارى .. مش هاعرف اوصفلكم اد ايه وجودكم فارق معايا و مخلينى شايفة بكره احسن
Post a Comment