الى ذاتى المزيفة التى تحاول ان تمنع ذاتى الحقيقية من الظهور والمطالبة بحقوقها (مستوحاه بعد قرأتى لقصيدة الد.يحي الرخاوى و مرورى بظروف صعبة فى نفس الوقت) اردت ان اصرخ بهذا:ـ
زهقت منك، ربطينى سنين و منعتى خروجى للنور
فهمتينى ان انا انتى و انتى انا
اقنعتينى اننا واحد
موتينى و دفنتينى و افتكرتى انى مش هاصحى ابدا من الموت
سنين و انا فاكره انه هو ده انا و انى مش ممكن اتغير اصل انا كده خلقتى كده
جرتينى وراكى و انا فى تابوتى لعالم غريب
دورتى فيه على اكل و شرب و كل ما تكلى تجوعى اكتر و كل ما تشربى تعطشى اكتر
سبتينى محبوسة فى تابوتى و افتكرتينى مت، يا ما صرخت و بكيت علشان تسمعينى بس مكنتيش بتعبرينى
كل ما اصرخ كل ما تكلى و تشربى اكتر مع الناس اللى كنتى معاهم
عمرك ما شبعتى و لا ارتويتى و عمرك ما سمعتينى
انا خلاص خرجت من قبرى و جيه اليوم اللى فيه انا بنفسى خرجتك من العالم بتاعك .. اجبرتك ايوه اجبرتك لما حاولت انتحر لما صراخى مكنش مسموع اجبرتك تسمعيه و من يومها كان خروجى من قبرى و بداية موتك
يمكن انا لسه نبتة صغيرة .. يمكن انتى اكبر منى
يمكن لسه جذورى صغيرة و جذورك اطول منى
بس انا خرجت و كسرت تابوتى
مش هاسمحلك ترجعينى ليه او تقنعينى انك الاقدم فالاصلح
لأ .. يمكن انتى الاقدم و انا الاجدد
بس انتى الماضى و انا المستقبل
11 comments:
جميل جميل
إن أقرا بوسطك ده بعد البوسط اللى أنا كتبته
وانا اقرا بوسطك
شفت صراعى الصراع اللى بيكون بين الذات المزيفه والذات الحقيقية اللى لسه بتنمو
وهو صراع على البقاء ياأنا يا إنت
--------------------------------
ربنا معاكى ومعايه ومع الجميع
يمكن انا لسه نبتة صغيرة .. يمكن انتى اكبر منى
يمكن لسه جذورى صغيرة و جذورك اطول منى
بس انا خرجت و كسرت تابوتى
مش هاسمحلك ترجعينى ليه او تقنعينى انك الاقدم فالاصلح
لأ .. يمكن انتى الاقدم و انا الاجدد
بس انتى الماضى و انا المستقبل
سبحان الله انا كنت لسه داخله اكتب
بوست عن الوهم والحقيقه لان اخر اكتشاف توصلتله اننا فعلا عشنا فى خيال كبير خيالات بعيده عن الواقع تماما ضحكنا على نفسنا اوى وضحكت هيا كمان علينا لدرجه انى مبقتش عارفه افرق ياترى اللى بعيشه وهم ولا حقيقه
صراع جديد اكتشفته بس ببصريتنا هنوصل للحقيقه اكيد فى ظل التغيرات
معلش هيا مرحله محتاجه مننا وعى
ومراقبه لنفسنا طول الوقت عشان متجرفناش للى هيا عوزاه ونتعب احنا
بس مسيرها تعدى احنا عدينا الاصعب
:)
النبته الصغيرة محتاجه ارض نقيه حتى لو صحرا او حوليها عشب دبلان بس هيا هتعرف تقوم وتنمو
بقلبى معاكى وبدعيلك :) :)
To Part of Whole
كلاكيت عاشر مرة
اشكرك على تشريفك لمدونتى
اولاً احنا و لا ظاهرة و لا حاجة يمكن بس انتى اكتشفتى مواقعنا كلها فى نفس الوقت
ثانياً يا سيدتى ما لم افهمه حتى الآن هو هجومكم علينا .. ليه مش مقتنعين بالحرية اللى بتنادوا بيها لانفسكم
يعنى كنت احب تقرأى شوية اكتر فى مدونتى و تعرفى قصتى يمكن كان تعليقك اختلف .. اولا انا مش عايشة فى مصر و لم اطلب التغيير بسبب موضوع الدين و المجتمع لأنى اعيش فى بلد حر يحترم المثليين و قد كنت على وشك الزواج من مثلية .. لذا فموضوع المجتمع ده لا يعنى بالنسبة لى اى شئ .. لقد اخترت التغيير لاكتشافى انى مريضة، بس بكل بساطة
و هاقولها للمرة الآلف اشجع كل مثلى و مثلية ان يتمسكوا بما يؤمنون به و يدافعون عنه (خصوصا فى بلاد لا تقبل المثليين مثل البلاد التى تعيشون فيها) و لكم حرية الاختيار اذا وجدتم راحتكم فى هذه العلاقات .. اما الذى لا يجد راحته و يكتشف ان العلاقات المثلية ما هى الا آلم و مزيد من الجوع للحب فليكن لديه الشجاعة الكافية ليتراجع و يبحث عن حياة افضل
لا اعلم و لكننى ارى الامور اكثر بساطة من كل هذه التعقيدات .. ارى اننا احرار نختار ما نريد دون ان يفرض علينا احد اى شئ و اتجاسر و أقول ان حتى الله لا يفرض علينا اى شئ لانه يحبنا و الذى يحب لا يستعبد من يحبه
عزيزتى
سعيدة جدا جدا بردك .. انتى اول واحدة مختلفة معى فى الرأى ترد عليا
عندى فقط نقطتين :ز
اولاً: تسمية المثلية مرض ام لا ليس لها علاقة بالتقدم و التأخر لأن فى البلاد التى تنادى بالحرية و تحترمها هناك ايضا من قرروا ان يتغيروا و رأوا ان المثلية مش طبيعة. بالاضافة الى ان التقدم و العلم يكشف لنا عن ما كان ليس مرضاً من قبل فمثلاً لم يكن يصنف الطفل المتأخر دراسيا انه يعانى من تأخر عقلى و لم يكن يصنف الطفل المتأخر عقلياً على انه من الممكن ان يعانى من التوحد و هكذا فالعلم يساعدنا على اكتشاف امراضنا و ذلك ليس بهدف اذلالنا او نبذنا بل لمساعدتنا على حياة افضل. فمما لا شك منه انه ليس لنا اى يد او اختيار فى امراضنا او الامنا
ثانياً:سأتكلم عن امر شخصى .. اثناء فترة علاجى لم اكن متأكدة من موضوع المثلية اذا كانت طبيعة ام لا .. كان كل همى ان أتخلص من اعتماديتى على هذه الفتاة .. و عندما مررت بفترة صراع رهيبة اثناء علاجى و احترت من امرى و تسألت اذا كان من المفروض ان اقبل مثليتى ام لا، قررت الآتى: قلت اننى فى منتصف الطريق و ٍساترك النتيجة للنهاية اى اننى لن اقاوم او افعل شئ عكس رغبتى .. اذا انتهيت من فترة علاجى و رأيت اننى ما زلت اريد الدخول فى علاقة مثلية سأفعل ذلك .. و كانت المفاجأة بالنسبة لى .. تغييرى يا صديقتى كان تغيير شامل لحياتى لذاتى المزيفة لجوعى الشديد للحب للأسباب التى جعلتنى اكره الرجال و بدأت ميولى الى الاناث تتناقص تلقائياً و بدأت اتصالح مع عالم الرجال .. لذا فالتغيير كان تلقائى
ربما تقولين ان هذا معناه اننى لم اكن مثلية .. ربما لكن هذا هو ما حدث مع مئات من المثليين حول العالم عندما رجعوا الى ذواتهم ووجدوا الحب الحقيقى و ليس المزيف
و للمرة الثانية اشجعك ان تتمسكى بما تؤمنين به اذا كان يشبعك و يحقق لكى السعادة .. انا و غيرى لم و لن نرفض اى مثلى/مثلية قرروا ان يستمروا فى مثليتهم لقد عانينا كلنا من الرفض و النبذ لذا فلن نرفض اى احد او نتهمه "بالكفر" و الكلام ده .. انا ارى فيكى انسانة جميلة تبحث عن الحب و الحياة و لكى مطلق الحرية ان تجدى الطريقة المناسبة واؤمن جداً اننا سنظل نتعثر و نختار اختيارات مختلفة حتى تجد انفسنا الراحة الحقيقية.
مما ساعدنى ايضاً اننى طلبت من الله ان يوضح لى الأمور فانا غير متدينة و لن اكون ابداً فالتدين مرض لكن لى علاقة عميقة و حقيقية مع اله يحبنى و يهتم لأمرى .. لا يديننى كما يفعل الناس او ينصحنى او يطلب منى لائحة من الوصايا و يجب عليا ان اطيعها لأرضيه. فالاله الذى اعبده ليس مريض :) هو يحبنى و سيظل معى حتى لو اخترت طريق خطأ سيظل معى حتى اتغير سيصبر علىّ انه كالأب الذى يحب اولاده و يريد ان يراهم فرحين
اخيراً يا صديقتى اشكرك جداً جداً على حوارك المتمدن و الذى اتمنى ان يستمر حتى لو اختلفنا فى الرأى نظل نحترم بعضنا البعض و نقدر اختلافتنا و للأسف اصبح هذا شئ نادر فى المجتمعات العربية
من كل قلبى و بصدق اقولها لكى احترمك جداً و احييكى على موقفك الشجاع و بحثك عن الحياة
اشجعك ايضاً ان تقرأى كتاب : "شفاء الحب" للدكتور اوسم لانه من المهم جداً ان تتعرفى على الرأى الآخر اثناء دفاعك عن رأيك و ايضاً مدونته
http://thehealinglove.blogspot.com/
و فى النهاية اريد ان اعتذر لكى اذا كان اسم مدونتى او اى من كلامى استفذك فأنا لا قصد البتة ان اضايق اى احد و لست فى ند او حرب مع اى احد انا اعبر و اشهد عن ما حدث فى حياتى الشخصية و ليس هدفى هو اقناعك او اقناع غيرك برأيى بل بالعكس اريد ان يرى كل منا الآخر و يحترمه و يحبه بصرف النظر عن اختياراته او توجهاته من المؤكد ان الاختلاف يثرى و يساعدنا على اكتشاف امور غائبة عننا او فى شخصياتنا
لكى احترامى و محبتى
Dear "Mashfeyah"...
Human sexuality, as well as any thing human, is a complex issue that has much to do with the individual experience of each and everyone of us. You're a mature woman, and you have very sound reasons for chosing psychotherapy. Psychotherapy can not change a sexual orientation alone. You have got to make the choice of changing everyday. I understand who you're and why did you choose psychotherapy because I have been through a similar family drama as I was growing up. I didn't choose to have relationships with other girls though because I had that strong religious background, and even now that I am not really so religious, I am aware that this need for love and acceptance that I have can be manipulated sexually and otherwise. However, I see my experience with homosexuality (even if it was a real limited one) as a blessing, because it gave me the ability to understand gay people,and what they suffer and go through. It has also gave me a deeper look on how relationships and interactions in my family have created a certain pattern. For I know with a family like mine, I must not be the only one who have gone through homosexuality. I have a strong feeling that one of my parents have gone through such situation.
God Bless you and good luck with whatever you do.
All Love and Acceptance.
Nia
المشكله يا مشفيه ان الذات المذيفه احيانا بتكون متطفله و ملحة في طلب حضورها خصوصا عندما يطلب المحيطين من الشخص ان يظهر بها فنكون احيانا مطالبين ببذل مجهود كبير لابعاد الذات المزيفه
النبته الصغيره في حاجه الى ري ورعايه حتي يشتد عودها و لا تعصف بها الريح
we disscused this post in motamem "3rd epispde" greeting from all their
Post a Comment